ზედოზირების საერთაშორისო დღისადმი მიძღვნილი ღონისძიება

31 აგვისტოს ორგანიზაცია ჰეპა+-ის მუშაკებმა, ზიანის შემცირების ქსელის სხვა ორგანიზაციების წარმომადგენლებთან ერთად მონაწილეობა მიიღეს ზედოზირების საერთაშორისო დღისადმი მიძღვნილ ღონისძიებაში . დღის პირველ ნახევარში ორგანიზაციის ოფისში ჩატარდა საინფორმაციო–საგანმანთლებლო შეხვედრა ზედოზირების თემაზე. შეხვედრას ესწრებოდნენ ორგანიზაციის წევრები და ბენეფიციარები.

დღე დასრულდა წინა წლებში დანერგილი ტრადიციული აქციით. საღამოს 7 საათზე ზიანის შემცირების ქსელში შემავალ ორგანიაზაციათა წარმომადგენლებმა დიღმის ტყე–პარკში დარგეს კიპარისის ნერგები. ღონისძიებას ესწრებოდნენ ტელევიზიის წარმომადგენლები. დღის დასასრულს მონაწილეებმა სამახსოვრო ფოტოები გადაიღეს.